قصيده بأسم بشاير

يابشاير خير والقلب معلول ** وين انا ووين الفرح والابتهال ..

عايش بغربه عن الناس معزول ** من عرفت اللي طغت حسن ودلال ..

ادعج العينين ابو رمش(ن) كسول ** القمر وجهه ولافيها جدال ..

حس دافي رقه وزايد قبول ** بالحلا كامل ولله الكمــال ..

ساكنه قلبي تصول ابه وتجول ** وغصنها عالي ولايمكن يطال ..

ان سالتك لاتقولين مهبول ** ويل قلبي من عواقب هالسؤال ..

والسؤال ان جاء يبي منك حلول ** لو تقدمت وطلبتك بالحلال ..

جاوبيني جد ماأرضى بالفضول ** وانطقيها بآي شكل وبآي حآل ..

طالبك يابنت ردك لايطول ** ريحي قلب(ن) تعذب بالخيــال ..

سعد حظي كان ردك لي قبول ** وان رفضتي بطلب الله الزوال ..

كلمتي عدله ولافيها ميول ** حبها حب(ن) شريفاً لايزال ..

ولو نقدني ناقد(ن) ولا عذول ** ضامي ويغرف من العد الزلال ..

قلت ماعندي ولاني بالجفول ** من كلامه لو غدت حرب وقتال ..

قلتها لو كنت مادري وش اقول ** والله العالم بحظي والمئال ..

الله يعطيك العافيه قلبو

شكرا

يسلموو أأبياات قمة في الروعه